Kindle cihazı alarkən hansı modeli seçmək lazım olduğunu düşünürsünüzsə, bu yazı sizin üçün ideal olacaq!
Bu yazını yazma qərarımın səbəbi müştərilərdən aldığım çoxsaylı sorğulardır. Kindle cihazları haqqında məlumat istəyənlər çox vaxt “Paperwhite” və “Basic” modelləri arasındakı fərqləri soruşurlar. Hər dəfə bu fərqləri izah etmək əvəzinə, ətraflı bir yazı hazırlamağa qərar verdim.

Ümumiyyətlə, Kindle cihazları oxucular arasında çox məşhurdur, xüsusilə PDF fayllarını oxumaq istəyənlər üçün. Amma təcrübəmdən demək istərdim ki, Kindle cihazları PDF formatını oxumaq üçün ən yaxşı seçim deyil. Kindle cihazlarının oxuduğu ən uyğun formatlar, məsələn, MOBI və AZW3-dir. PDF kitablar isə çox vaxt ekrana sığmır və istifadəçi kitabı oxumaq üçün zoom etmək kimi əngəllərlə qarşılaşır. Bununla belə, Kindle istifadəçilərinə kitabları PDF formatında deyil, Kindle üçün uyğun olan formatlarda (məsələn, .mobi və ya .azw3) oxumağı məsləhət görürəm.

Kindle Basic və Kindle Paperwhite: 2024 Modelləri Arasındakı Əsas Fərqlər

Kindle Basic 2024 Xüsusiyyətləri:

• Ekran: 6-inch, 300 PPI ağ-qara E-Ink

• Yaddaş: 16 GB

• Batareya: 6 həftəyə qədər

• Suyadavamlılıq: Yox

• Tənzimlənəbilən Warm Light: Yox

Kindle Paperwhite 2024 Xüsusiyyətləri:

• Ekran: 7-inch, 300 PPI ağ-qara E-Ink

• Yaddaş: 16 GB

• Batareya: 12 həftəyə qədər

• Suyadavamlılıq: Bəli (IPX8)

• Tənzimlənəbilən Warm Light: Bəli

Paperwhite və Basic Kindle Arasındakı Fərqlər:

• Ekran Ölçüsü: Paperwhite daha böyük ekrana sahibdir (7 düym) və PDF oxumaq üçün daha uyğundur.

• Suyadavamlılıq: Paperwhite suya davamlıdır, bu da çimərlikdə və ya hamamda oxumağa imkan verir.

• Batareya Ömrü: Paperwhite daha uzun batareya ömrü (12 həftə) təklif edir.

• Warm Light: Paperwhite-da işığın rəngini tənzimləmək mümkündür, bu da uzun müddət oxuyanlar üçün rahatdır.

Kindle Paperwhite Signature 2024 Xüsusiyyətləri:

Əlavə Xüsusiyyətlər:

• Ekran: 7-inch, 300 PPI ağ-qara E-Ink

• Yaddaş: 32 GB

• Batareya: 12 həftəyə qədər

• Suyadavamlılıq: Bəli (IPX8)

• Tənzimlənəbilən Warm Light: Bəli

• Yeni Xüsusiyyətlər: Simsiz şarj və avtomatik tənzimlənən işıq sensoru.

Seçimlərinizə Uyğun Modellər:

• Büdcə və portativlik əsasdırsa: Kindle Basic (2024)

• Tez-tez oxuyur və daha keyfiyyətli ekran istəyirsinizsə: Kindle Paperwhite (2024)

• Premium xüsusiyyətlərə ehtiyacınız varsa: Kindle Paperwhite Signature Edition

Kindle Cihazları PDF Oxumaq Üçün Uyğundurmu?

Kindle cihazları PDF oxumaq üçün ideal deyil. Bunun səbəbləri aşağıdakılardır:

1. PDF-lər Yenidən Formatlana Bilmir: Kindle cihazları MOBI, AZW3 və EPUB kimi formatları dəstəkləyir, amma PDF sabit formatda olduğu üçün oxumaq çətin ola bilər.

2. Ekran Ölçüsü Çox Kiçikdir: Kindle və Paperwhite (6-7 düym) PDF oxumaq üçün çox kiçikdir. Kindle Scribe (10.2 düym) isə daha yaxşıdır, amma hələ də bəzən məhdudiyyətlər vardır.

3. Şəkillər və Mürəkkəb Düzənlər Pis Görsənir: Kindle, xüsusilə çoxlu qrafiklər və cədvəllərlə PDF-ləri düzgün göstərməkdə çətinlik çəkir.

4. Səhifə Çevirmə Yavaşdır: PDF fayllarında səhifə çevirmək tablet və ya digər cihazlarla müqayisədə daha yavaş olur.

Alternativlər:

• PDF-ləri Kindle üçün Formatlayın: Calibre və ya Amazonun “Send-to-Kindle” xidmətini istifadə edərək PDF-ləri Kindle-a uyğun formata çevirə bilərsiniz.

• Kindle Scribe istifadə edin: Daha böyük ekranı və stilusu ilə daha rahat oxuma təcrübəsi təmin edir.

Nəticə: Kindle PDF-lər üçün Ən Yaxşı Seçim Deyil

• PDF-lər əsasən oxunursa: iPad, Android planşetləri və Onyx Boox daha uyğun seçimlərdir.

• Sadəcə bəzən PDF oxuyursunuzsa: Kindle cihazı ilə, müəyyən dəyişikliklərlə istifadə etmək mümkündür.

Nəticə olaraq: Kindle cihazlarında .mobi və .azw3 kimi xüsusi formatlar daha rahat oxunur. PDF-ləri Kindle cihazlarında oxumaq istəyirsinizsə, müvafiq formatlara çevirmək faydalıdır.

Əlavə Məlumat: Kindle kitablarının yüklənməsi və uyğun formata salınması haqqında ayrıca yazılarımız olacaq. Bizimlə qalın! 🙂

Amazon Kindle cihazları oxuma həvəskarları üçün əvəzsiz vasitədir. Hər bir Kindle modeli fərqli xüsusiyyətlərə və dizayna malikdir, buna görə də cihazınıza uyğun qoruyucu kabura və ya üzlük seçmək vacibdir. Ölçülərin fərqli olması yanlış seçim nəticəsində alacağınız qoruyucu kaburanın cihazınıza uyğun gəlməməsi ilə nəticələnə bilər. Bu bələdçidə, Kindle modelini necə müəyyən edəcəyinizi və ona uyğun qoruyucu aksesuar seçəcəyinizi addım-addım izah edəcəyik.

Kindle cihazın modelini müəyyən etmək üçün bir neçə metod mövcuddur.

Onlardan biri kindle cihazınızın arxa aşağı hissəsində qeyd edilmiş “Model No” yazısına baxmaqdır. Aşağıdakı şəkildə nümunə olaraq model nömrənin harada və necə yazıldığını görə bilərsiniz.

Bəzən cihazları istifadə nəticəsində bu hissədə qeyd edilən məlumatlar silinə, pozula, sola və ya oxunmaz hala düşə bilər. Bu halda 2-ci metodla cihaz modelinizi öyrənə bilərsiniz. Amazon kindle cihazın modelini öyrənmək üçün 2-ci metod kindle cihazın menyusunda ayarlara daxil olaraq cihaz haqqında məlumatlar bölməsindən cihazın seriya nömrəsini və ya modelini oxumaqdır. Aşağıdakı şəkildə isə cihazın menyusundan ayarlar bölməsindən seriya nömrəsinə dair nümunəni görə biləriniz.

Cihazın arxa hissəsindən və ya menyuda ayarlardan baxıb model kodunu və ya seriya nömrəsini öyrəndikdən sonra aşağıdakı cədvələ baxaraq Amazon Kindle cihazın hansı model olduğunu rahatlıqla müəyyənləşdirə biləcəksiniz.

Aşağıdakı cədvələ uyğun olaraq tapdığınız model nömrəsi və ya seriya nömrənin prefiksi ilə qarşısında qeyd olunan linkə daxil olaraq kindle üçün qoruyucu arxalıq kabura örtüyünü ala bilərsiz.

Kindle modelinizi müəyyən etmək və ona uyğun qoruyucu kabura seçmək asan bir prosesdir, lakin diqqət tələb edir. Cihazınıza uyğun kabura seçərək onun ömrünü uzada və oxuma təcrübənizi daha rahat edə bilərsiniz. Unutmayın ki, düzgün kabura seçimi yalnız cihazınızı qorumaqla kifayətlənmir, həm də onun görünüşünü və istifadəsini daha zövqlü edir.

Bu bələdçi ilə Kindle cihazınız üçün mükəmməl qoruyucu üzlüyü tapacağınıza əminik!